الاثنين، 28 أبريل 2008




بصراحة وزير الداخلية رجل مجتهد و إحاول إثبات وجوده في ظل هذا التصارع و التنافس الشريف و الغير شريف بين أبناء الأسرة

فتصريحاته بموضوع شراء الأصوات و الفرعيات اعطتنا أمـــل و لو بسيط بعودة دولـــة القانون و إعادة الهيبة المختطفة

و لـــــــــــــــــــــــــــــــــــــــــــــــــــــــكـــــــــــــــــــــــــــــــــــــــــــــــن



أن يعتقد معاليه أن بإستطاعته تأليف قوانين مع ربعه بالشاليه أو بالياخور فهذا أمر لا يمكن السكوت عنه



رسالة لمعاليك

الفرعيات مجرمة و إجراءاتكم تجاهها عبارة عن مسرحية سخيفة أنت مخرجها و للأسف أفقدت منتسبي وزارتك هيبتهم و أصبح كل شخص منهم بمختلف رتبهم عبارة عن كومبارس

يروي لي صديق بالداخلية أن فرعية الرشايدة تمت أمام عينه و زملاءه المتأهبين أمام الديوانية التي تمت فيها الفرعية و كانوا ينتظرون الأمر و لكن للأسف تم إبلاغهم من مصادر عليا بغض النظر

المضحك هو تصريح الوزير أنه بنفسه إفتر بسيارته الخاصة و لم يشاهد أي منظر من مناظر الفرعية

!!!!!!!!!!!!!!!!!!!!!!!

أفهم من تصريح معاليك أن اذا سمعت إن في لنج بنص البحر محمل بالخمور بتدق يختك سلف إتدور عنه
او إذا قالولك في شقة دعارة بتتخفى و تلبس عباية و تكبس عليهم
أو اذا خبروك إن فيه إرهابي راح تشتري جريدة و تقظها بالنص و تلبس الباركوت مال مرعوب و برنيطه و تقعد تراقبه

!!!!!!!

بعدين أي فرعية بتشوفها بالشارع

وزيـــــر

فرعية مو حادث سيارة إشفيـــــك الله إهداك




ثم نأتي لقانون المقيم الي إطوف الإشارة و اللي معالي الوزير بسفره

!!



يـــا ولــــــد
عيني عليك باردة
إسمالله على فطانتك

تسفير عاد

بابا مايصير و الله مايصير

مو جذي إحطون القوانين

هذا إسمونه تمييز ما بين خلق الله



طيب لكويتي الي إقص الإشارة شنو عقوبته بالله

بتلحقة بالفورد مالك و إتصفطه نفس ما سويت بالهندي اللي بطريج الشاليهات اللي عطيته مخالفة


(قصة حقيقية)

وزير بمخباته دفتر مخالفات
؟؟؟

عيـــل وزير الصحه لازم إشيل سماعة بمخباته جود واحد ودة يكشف عليه الوزير بالشارع

و وزير االكهرباء و الماي إشيل بطل ماي صحة و لمبة بمخباته خوفك تحترق الشبة

!!!

القانون الأخير إقول



جاهزيــــــــــــــــــــــــــــــن



اللي إحط لزقة مرشح مخالفته من ألف لي الثلاثة آلاف دينار

!!!!



أنا أقول إتفل بويهه بعد

إشهالحجي

أنا خابر مخافة اللصقات عشر دنانير

100
ضعف يالظالم



حتى وزارة الداخلية تبي تستغل الإنتخابات ماديا

وزيــــــــرو

وين مادة الدستور اللي تكفل حرية التعبير

!!!!!

معاليك

تكفة وقف قراراتك شوي

أو واحد من العقلاء (هاهاي) إربطه



ترى هذه وزارة الداخلية مو صيهد البقر مع الإعتذار لمسرحية باي باي لندن


هناك 9 تعليقات:

nEo يقول...

hahahahahahahahha

Bad-Ran يقول...

LOOOL

زين تسوي فيه

cigarq8 يقول...

هذي قمة الفوضى و ضرب بمبدأ الاحترافية في العمل ، و أتوقع مخ وزير الداخلية ما عنده القدرة على استيعاب مفهوم الاحتراف في العمل.

che يقول...

كفو على هالكلام الحلو
ولا أزيدك من الشعر بيت شكله وزير الداخليه يبي يطلع قرار ليوم الأنتخابات بانه ممنوع احد يكون داخل المدرسه يعني المفاتيح راسهم ينطبخ بالحرررررررر
الصراحه ذكرني بفلم الرساله

kila ma6goog يقول...

looooooool

حبيب بو نواف

ملح الوزارة

Rousseau يقول...

الفلم الهوليودي مال الفرعيات و الشراء صراحه ابداع و فالكم الاوسكار

نبي واحد من هالمئات الي مسكتوهم اما بالفرعيات او الشراء يحاكم ماكو !! كله يومين بالنظارة و بعدها يهدونهم !! والا اكو دوله بالعالم كله المخالفات اشكره !! والله حتى المافيا مو جذي بس بالاخير يصيدونهم و يحاكموهم و سيييده سجن

احنا مخالفات اشكره و ماكو نتيجه !!

و عاش بو نواف
اقصد جزاك الله خير احسنت

شباب الكويت يقول...

ماهي دعايه ..

ولاهو تصريح ..

اهي .. كلمة حق

بقلم / شباب الكويت

عطها من وقتك دقايق ..

وجانها عجبتك ..

انشر ولك الاجر .. ان شاء الله

http://binghayir.blogspot.com

باسجيل يقول...

وين ال100 دينار اللي اقرها سمو الامير للطلبة الدراسين بالجامعات الخاصة بالخارج ؟

تم اقرار صرفها من 1 يناير والحين دخلنا شهر مايو هل سيتم صرفها بأثر رجعي ؟

الرجاء من المدونين تسليط الضوء على الموضوع جزاكم الله خير

Bin3aqool يقول...

وزير الداخليه خطته وايد حلوه بس للاسف مايكمل الي يسوي ويتراجع
الله كريم